Një tërmet i gjatë dhe i fuqishëm ka goditur pjesën e poshtme dhe qendrore të Zelandës së Re dhe është ndjerë deri në Christchurch.
Bëhet me dije se tërmeti ka qenë me magnitudë 5.8 sipas shkallës rihter.
Tërmeti u vlerësua si “i rëndë” në raportimet që bënë kryesisht banorët e zonës që janë prekur nga dridhjet sidomos në gjirin Hawke, Manawatu, Whanganui, Wairarapa dhe Wellington, si dhe pranë epiqendrës së tij Taranaki.
Brenda 10 minutave më shumë se 33,000 njerëz rreth NZ kishin raportuar se e kishin ndjerë atë. Kjo shifër ishte rritur në më shumë se 38,000 deri në orën 12:20 të mëngjesit të së enjtes.
Ky është tërmeti i dytë që godet Stratfordin në dy ditët e fundit. Një tërmet me magnitudë 3.8 goditi 40 km larg qytetit rreth orës 21:00 të martën.
Në të gjithë vendin, Kiwis raportoi se ata kishin marrë një njoftim të Sistemit Android të Sinjalizimeve të tërmetit në telefonin e tyre disa sekonda përpara se të fillonin lëkundjet.
Google ka zgjedhur Zelandën e Re dhe Greqinë për të provuar sistemin e saj të ri, i cili përdor telefonat celularë për të zbuluar valët sizmike, më pas centralizon dhe vlerëson informacionin dhe paralajmëron përdoruesit sipas vendndodhjes së tyre.
Në Ëhanganui, tërmeti ishte “si një kamion i madh në lagje” u shpreh Jacob McSweeny i cili në atë moment ka qenë në gjumë dhe është zgjuar me shpejtësi.
“Pastaj shtëpia u drodh për 20 deri në 30 sekonda. Asgjë nuk u prish apo ra – vetëm një shkundje e mire”, tha ai.
Disa përdorues të Twitter në kryeqytet po raportonin se lëkundjet ishin aq të fuqishme saqë filluan që të rrëzoheshin gjërat në shtëpi.
Discussion about this post