Tërmeti katastrofik me magnitudë 7 ballë në Marok, ka shkaktuar deri më tani mbi një mijë të vdekur, dhe më shumë se 1.200 të plagosur.
Sipas mediave të huaja, numri i të vdekurve nga tërmeti që goditi Marokun është rritur në 1037.
Janë 1204 të plagosur, 721 prej të cilëve janë në gjendje të rëndë.
“Duhen ilaçe dhe batanije, duhet të nxitojmë. Do t’i bashkojmë me mjete higjienike, batanijet duhen për të ftohtin që zbret në mbrëmje”.
Kështu deklaroi At Oscar Arturo Garcia Padilla, drejtor i Caritas-it të Rabatit, kryesori në Marok.
Një delegacion shkoi në vendet e tërmetit, pranë Marrakech, për të ofruar ndihmën e parë.
Autoritetet algjeriane kanë vendosur të hapin hapësirën e tyre ajrore për fluturimet që transportojnë ndihma humanitare dhe persona të lënduar nga vendet e tërmetit që goditi Marokun.
Në verën e vitit 2021, vendi fqinj njoftoi mbylljen e hapësirës së tij ajrore për avionët civilë dhe ushtarakë marokenë, pas vendimit për të ndërprerë marrëdhëniet diplomatike me Rabatin.
Discussion about this post