Tërmeti në Turqi dhe Siri ka solidarizuar shtete që deri para kësaj tragjedie kishin marrëdhënie tejet të ftohta. Pikërisht një nga rivalët në rajon të Turqisë, Greqia po ndihmon me donacione dhe jo vetëm.
“Greqia do të qëndrojë në krah të Turqisë dhe Sirisë”, ka qenë mesazhi i kryeministrit Kyriakos Mitsotakis kur mori pjesë në Këshillin Evropian në Bruksel, i cili mbahet sot dhe nesër. Kryeministri grek shprehu sërish pikëllimin e tij në emër të popullit grek për humbjet tragjike dhe ritheksoi se Greqia do të qëndrojë në krah të dy popujve.
Kyriakos Mitsotakis u ndal veçanërisht në çështjen e emigracionit të paligjshëm , duke theksuar se ka tendenca të forta në rritje. Kryeministri grek tha gjithashtu se Athina pretendon burime shtesë evropiane për të pasur të gjitha mjetet në dispozicion, ndërsa theksoi gjithashtu rëndësinë e pengesave si gardhi në Evros. Ai i bëri thirrje BE -së të përshpejtojë politikat e kthimit për ata pa azil që të kthehen në vendet e tyre të origjinës.
Discussion about this post