Gjatë 48 orëve janë shënuar 7 lëkundje tërmeti në Bulqizë. Numri i banesave të dëmtuara në Bulqizë ka arritur në 62.
Mëngjesin të premtes u ndjenë disa lëkundje, ku njëra prej tyre ishte dhe më e forta, e cila shkaktoi dhe dëme. Tërmeti ishte me një magnitudë 4.5 i shkallës rihter.
Menjëherë sapo u ndjenë lëkundjet, qytetarët dolën nga banesat me shpejtësi. Ata u shprehën se u frikësuan shumë madje duke përshkruar dhe momentin kur ndodhi tërmeti. Fatmirësisht nuk pati persona të lënduar, por siç raportohet dëmet materiale janë të shumta. Përfaqësues të njësive administrative dolën në terren për të bërë përllogaritjen e dëmeve, por tashmë kur dhe bilanci përfundoi, nuk dihet se si do të veprohet.
