Tërmeti i fortë me magnitudë 7 ballë, goditi rajonin e Marrakech, Marok ka shkaktuar deri më tani mbi 800 të vdekur, dhe më shumë se 600 të plagosur.
Bilanci tragjik është i destinuar të rritet. Apel urgjent është bërë për dhurim gjaku në Marrakech. Sizmografët e regjistruan lëkundjen në orën 23:11 të së premtes më 8 shtator.
Numri i të vdekurve nga tërmeti i dhunshëm që goditi Marokun mbrëmë është rritur në 820, shkruan në faqen e saj media marokene Medias24.
Të lënduarit, shton ai, janë të paktën 672, prej të cilëve 205 janë në gjendje të rëndë.
Tërmeti shkatërrues që goditi Marokun u ndje deri në Portugali dhe Algjeri. Kjo u raportua nga Instituti Portugez për Detin dhe Atmosferën dhe agjencia e mbrojtjes civile e Algjerisë, e cila mbikëqyr reagimin emergjent.
Qendra gjeofizike e Marokut raportoi se tërmeti me magnitudë 6.8 goditi zonën Ighil në Atlasin e Lartë. Ighil, një zonë malore me fshatra të vegjël bujqësore, ndodhet rreth 70 km në jugperëndim të Marrakech.
Discussion about this post