Tërmeti në Marok, toka ende dridhet. Trupat e kërkimit, garë me kohën

Tërmete të reja, disa pasgoditje janë ndjerë në Marrakech dhe qytetet përreth.

Sipas Qendrës Sizmologjike Mesdhetare Evropiane (EMSC) në orën 9 me orën lokale, një tërmet me magnitudë 4.5 ballë u regjistrua 88 kilometra nga Marrakech, në një thellësi prej 77 kilometrash. 

Pas tërmetit në Marok, i cili vrau të paktën 2012 persona, ndërsa 2059 të tjerë u plagosën (nga këta 1400 janë në gjendje të rëndë), mijëra qytetarë kaluan natën në rrugë nga frika e lëkundjeve të reja.

Sipas Organizatës Botërore të Shëndetësisë, më shumë se 300,000 njerëz u prekën nga lëkundjet e forta në të gjithë vendin. 

Mediat lokale raportuan se ishte tërmeti më i fortë i regjistruar ndonjëherë në vend, me magnitudë 7 gradë Rihter. 

Dhe gara me kohën vazhdon, teksa shpëtuesit gërmojnë nëpër rrënoja është e furishme. Por një tërmet i ri me magnitudë 4.5 u ndje në Marrakech.

Mbreti i Marokut Mohamed VI ka shpallur tri ditë zie kombëtare . 

“Është vendosur një zi kombëtare treditore, me flamuj në gjysmështizë në të gjitha ndërtesat publike”, thuhet në një njoftim për shtyp nga pallati mbretëror i lëshuar nga agjencia zyrtare Map, në fund të një takimi të kryesuar nga sovrani, për shqyrtimin e pasojave të tërmetit.