Pas tërmetit të mbrëmshëm që goditi Shqipërinë, ka reaguar dhe ministri i Mbrojtjes së Kosovës, Armend Mehaj. Ai shprehet se pas një komunikimi me homologun shqiptar, Niko Peleshi, ka ofruar ndihmën e Kosovës në lidhje me gatishmërinë në rast nevoje me të gjitha kapacitetet e mundshme.
Postimi i plotë:
Pas tërmetit të sontëm në Republikën e Shqipërisë, kam kontaktuar menjëherë Ministrin e Mbrojtjes së Shqipërisë, Niko Peleshi.
Nga autoriteti im zyrtar dhe përgjegjësia vëllazërore, i shpreha gatishmërinë e plotë dhe të menjëhershme për mbështetje në reagim me të gjitha kapacitetet tona specialistike operacionale të FSK-së.
Përveç mirënjohjes vëllazërore, Ministri Peleshi më gëzoi me informacionin se aktualisht gjendja është nën menaxhim dhe kontroll të strukturave të Mbrojtjes Civile të Republikës së Shqipërisë dhe Bashkisë së Klosit.
Së bashku me Ministrin Peleshi do të jemi në komunikim intensiv, si gjithmonë, për monitorim të situatës në vazhdim.
Në të mirë e në vështirësi jemi bashkë si gjithmonë!
Discussion about this post