Greqia është goditur gjatë natës nga një tërmet i fuqishëm me magnitudë 5.5 të shkallës Rihter. Lëkundja u shënua rreth orës 01:00. Epiqendra është në det, në verilindje të ishullit të Kretës.
Sipas Institutit Gjeodinamik, thellësia e tërmetit ishte 43 kilometra.
Lëkundja sizmike ka pasur kohëzgjatje dhe intensitet të gjatë, duke bërë që banorët e zonave në pjesët lindore të Kretës të largohen nga shtëpitë e tyre të frikësuar. Lëkundjet janë ndjerë edhe në ishujt e Cyclades, Turqi, madje edhe në Kajro të Egjiptit.
Njoftimi për cunami u hodh poshtë nga sismologu grek, Efthimios Lekkas, i cili tha më pas se “nuk ka më asnjë mundësi për cunami në Greqi. Nuk ka asnjë arsye për shqetësim”.
ℹ Aftershocks may occur in the next hours/days. Unless it is necessary, stay away from damaged areas for your safety ? Be careful and follow national authorities’ information.
— EMSC (@LastQuake) November 20, 2022
Discussion about this post