Një tërmet me magnitudë 4.3 të shkallës Rihter ka tronditur Serbinë mëngjesin e sotëm.
Siç raportojnë mediat serbe, fuqia e tij është ndjerë fuqishëm edhe në Rumani.
Informacionet e para ishin se tërmeti është regjistruar në Rumani me epiqendër në Drobeta-Turnu Severin.
Por Shoqata Sizmologjike e Serbisë raporton se epiqendra ka qenë afër Tekije, në thellësi 11 kilometra.
Një nga dëshmitarët ka shkruar: “Më zgjoi, filluan të dridheshin shtretërit dhe dollapët”.
Tërmetet e këtij intensiteti mund të shkaktojnë dëme të vogla në ndërtesat në zonën epiqendrore.
Discussion about this post