Presidenti amerikan Joe Biden ka telefonuar presidentin Recep Tayyip Erdoğan dhe i ka shprehur ngushëllimet për tërmetin tragjik. Sipas deklaratës nga zyra e shtypit të presidencës turke, presidenti amerikan ka përcjellë ngushëllimet e tij për ata që humbën jetën dhe u uroi shërim të plagosurve.
Kujtojmë që deri më tani janë raportuar më shumë se 2.300 viktima në Turqi, mijëra të tjerë janë plagosur dhe shumë kanë mbetur nën rrënoja. Rreth 8 mijë njerëz janë shpëtuar ndërsa mbi 25,000 njerëz janë në terren duke kërkuar për të shpëtuar personat që kanë mbetur nën rrënoja.
Presidenti Erdogan e cilësoi tërmetin si “katastrofën më të madhe” që nga ai i Erzincanit të vitit 1939. Ai njoftoi se Turqia do të hyjë në shtatë ditë zie dhe se “flamuri do të jetë në gjysmështizë deri në perëndim të diellit të dielën e 12 shkurt në të gjithë vendin dhe në përfaqësitë e huaja”
Discussion about this post