Shtohen kallëzimet në Prokurorinë e Posaçme për kryebashkiaken socialiste të Roskovecit Majldia Bufi. Këtë të premte, banorë të fshatit “Suk 1” kanë dorëzuar në Prokurorinë e Posaccme një kallëzim penal me shpresën se do të ndalohet ndërtimin e termocentralit me gaz, që ata gjykojnë se do të dëmtojë shëndetësinë e popullsisë dhe shpopullojë fshatin e tyre.
E paditur është kryebashkiakja Rajmonda Bufi, një grup zyrtarësh i Agjencisë Rajonale të Mjedisit në Fier, Gjirokastër dhe Vlorë si dhe të shoqëria “Fier Thermoelektrik”, të cilës socialistët në këshillin bashkiak të Roskovecit i kanë dhënë dritën jeshile për projektin.
Dhurata Malka, anëtare e këshillit bashkiak të Roskovecit hodhi akuza ndaj kryebashkiakes Bufi, e cila u paraqit në SPAK në me herët gjatë javës, lidhur me një tjetër kallëzim ndaj saj.
“Kemi një kryetare bashkie që nuk mbron interesat e qytetarëve të saj. Me sa duket, ajo është bërë palë me kryeministrin dhe dy firmat shfrytëzuese dhe kanë dëshirë t’ua mohojnë lirinë dhe të drejtat afro 33 mijë banorëve të bashkisë së Roskovecit, të këtyre njerëzve punëtorë dhe duarartë”, tha Malka në një prononcim për gazetarët.
Më tej, ajo solli në vemëndje deklaratat e Ramës e cili e krahasonte Roskovecin me Toskanën. “Sot ne jemi shumë këtu. shumëfishi i këtyre që shihni na përcollën për tek ky institucion, te dyert e kësaj drejtësie, ndaj ne shpresojmë që kjo prokurori do të marrë vendimet e duhura do të jetë në mbështetjen tonë dhe do të ndalojë zbatimin e këtij projekti në zemrën e hambarit të Myzeqesë, hambarit të të gjithë Evropës. Me besim se kjo prokurori do të na marrë në konsideratë shqetësimin tonë madhor, do ta këshillojë kryeministrin ta bëjë Toskanën e premtuar në Roskovec dhe termocentralin për ta shpopulluar”, shtoi.
Lidhur më çështjen, banorët kanë zhvilluar disa protesta më herët.
Shoqëria që planifikon të ndërtojë termocentralin zotërohet nga firmat greke “GEK TERNA Holdings, Real Estate & Constructions Societe Anonyme”, e “DEPA COMMERCIAL”, si dhe “GENER 2” i Bashkim Ulajt.
Discussion about this post