Në fluturimin e mbrëmshëm Billund – Tuzla ka ndodhur një incident i pazakontë kur një burrë dyshohet se ka tentuar të hapë derën e avionit gjatë fluturimit.
Avioni i kompanisë me buxhet të ulët Wizz Air për shkak të mjegullës nuk mundi të ulej në aeroportin e Tuzlës dhe pas informacionit se fluturimi ishte devijuar për në Beograd, një nga pasagjerët u ngrit i revoltuar dhe nisi të bërtiste, duke shkaktuar tension tek pasagjerët e tjerë. Mësohet se ai u përpoq të hapte derën. E gjithë revolta lidhej me faktin se ndalesa do të ishte në Beograd gjë e cila nuk është pritur aspak mirë nga pasagjeri në fjalë. Ai dëgjohet në video duke sharë, teksa kërcënon se do të vras gruan dhe fëmijët.
“Pse më çoni në Serbi? Do të rrëzoj një aeroplan, do të vras veten, gruan dhe fëmijën tim. Largohu, do të të vras edhe ty”, dëgjohet të thotë.
Pas uljes në aeroportin e Beaogradit shtetasi në fjalë u vu në pranga.
Discussion about this post