Shoqata e Gjysmëhënës së Kuqe në Palestinë thotë se ka “humbur plotësisht kontaktin” me dhomën e saj të operacioneve në Rripin e Gazës.
Organizata humanitare shton në deklaratën e saj: “Jemi thellësisht të shqetësuar për aftësinë e ekipeve tona për të vazhduar ofrimin e shërbimeve të tyre mjekësore emergjente, veçanërisht pasi kjo ndërprerje prek numrin qendror të urgjencës ‘101’ dhe pengon mbërritjen e automjeteve të ambulancës tek të plagosurit”.
Organizata thotë se është gjithashtu e shqetësuar për sigurinë e ekipeve të saj që punojnë në Rripin e Gazës dhe i bën një thirrje botës që të “ushtrojë presion mbi autoritetet izraelite për të ofruar mbrojtje të menjëhershme për civilët e pafajshëm, objektet mjekësore dhe ekipet tona”.
Discussion about this post