Një person i dyshuar ka hyrë në një lokal ku po mbahej muzikë live në Lubizhd të Prizrenit dhe ka shtënë me armë zjarri.
Policia ka kontaktuar me dy punëtorë të cilët kanë qenë në lokal. Ata kanë deklaruar se një person ka hyrë me një armë automatike dhe kishte gjuajtur me të. Nuk kishte persona të lënduar përveç dëmeve materiale dhe i dyshuari ishte larguar.
Hetuesit policorë dhe krim teknika në vendngjarjes kanë gjetur dhe sekuestrua në cilësinë e provave materiale: gjashtë (6) gëzhoja, dy (2) predha dhe dy (2) mbështjellës të predhave. Lidhur me ketë rast është njoftuar prokurori kujdestar me veprimet e ndërmarra. Personi i dyshuar është në kërkim. Rastin po e heton Sektori i Hetimeve të stacionit policor në Prizren.
Pritet të zbardhen detaje pas hetimeve në vendin e ngjarjes dhe këqyrjes së pamjeve filmike.
Discussion about this post