Momente tmerri kanë përjetuar pushuesit në një plazh në Florida, kur kanë parë një peshkaqen që lëvizte me shpejtësi të madhe në ujërat e cekëta.
Në videot e regjistruara nga dëshmitarët, bishti i peshkaqenit mund të shihet teksa turbullon ujin dhe dikë që bërtet me zë të lartë “peshkaqen” duke shkaktuar alarm për të gjithë në plazh.
Ngjarja ka ndodhur në gjirin e Perdidos, mesditën e së dielës.
Kjo zonë e veçantë njihet për praninë e peshkaqenëve, pasi në të njëjtat ujëra jetojnë edhe foka, fakt që vlerësohet se tërheq grabitqarët e mëdhenj.
Një gazetar amerikan ka vlerësuar në një postim në Twitter se peshkaqeni i parë në plazhin e Floridës i përket llojit të kokëçekiçit. “Kjo specie e veçantë nuk është e rrezikshme për njerëzit” pohoi gazetari.
Discussion about this post