Gjenerali detar amerikan Kenneth “Frank” McKenzie është shprehur se është e pritshme që Shteti Islamik (ISIS) të vijojë me sulmet, por këtë herë nuk do të bëhet fjalë për ushtarë që shpërthejnë veten.
Sipas tij, sulmet e radhës do të jenë me makina bombë ose raketa, akoma më të rrezikshme se të mëparshmet që shkaktuan 103 të vdekur.
“Ne besojmë se është dëshira e tyre për të vazhduar ato sulme, dhe ne presim që ato sulme të vazhdojnë. Mund të bëhet fjalë për makina bombë, raketa… Dhe ne do të vazhdojmë të koordinohemi, vijojmë me evakuimet,”- tha ai.
Nga sulmet e një dite më parë vdiqën 103 persona, mes tyre dhe ushtarë amerikanë. Të plagosur kanë mbetur mbi 150 të cilët po marrin ndihmën mjekësore në spitale. Përgjegjësinë për sulmet e mori Shtetit Islamik.
