Trupat e 40 foshnjeve me koka të prera janë zbuluar në komunitetin Kibbutz të Izraelit, një prej zonave të para që u përballën me sulmin e terroristëve të Hamas.
Sipas mediave ndërkombëtare, forcat ushtarake izraelite kanë shoqëruar gazetarët për të parë skenën tronditëse në këtë qytezë, ku janë shënuar më shumë se 100 viktima.
Korrespondentja e i24News, Nicole Zedek ka raportuar nga Kibbutz Kfar Aza, një çerek milje nga kufiri i Gazës, duke rrëfyer mizoritë që janë kryer në komunitetin e vogël, që mbetet një zonë aktive, teksa ushtarët izraelitë zhvendosin trupat e pajetë dhe çmontojnë “bombat kurth” të vendosura.
“Rreth 40 foshnja u vranë në fshatin Kfar Aza, në jug të Izraelit. Ne do të shkojmë pas Hamasit. Ne do t’i gjuajmë. Ne do t’i zhdukim ata”, thotë Danny Danon, ish-ambasadori izraelit në OKB.
i24NEWS Correspondent @Nicole_Zedek reports from Kibbutz Kfar Aza, a quarter-mile from the Gaza border, and recounts the atrocities that were committed in the small community which remains an active scene as soldiers clear booby traps and recover the bodies of dozens of victims pic.twitter.com/J4ZfWZQYHp
— i24NEWS English (@i24NEWS_EN) October 10, 2023
Një prej gazetareve perëndimore, Margot Haddad, theksoi se kemi të bëjmë me foshnja nën 2 vjeç dhe gjithçka i ngjan një masakre të vërtetë.
Në raportime të tjera ndërkaq, është bërë me dije nga gazetarët në vendngjarje se familje të tëra janë pushkatuar masivisht në një fshat jugor.
Në shtëpitë ku ngjarjet kanë ndodhur madje janë vendosur edhe kurthe prej Hamasit dhe Forcat e Mbrojtjes së Izraelit i kanë kërkuar gazetarëve të kenë kujdes dhe të mos afrohen në asnjë mënyrë me vende të pakontrolluara nga Policia.
Një akt i etiketuar jo vetëm si terrorist, por edhe si burracak dhe çnjerëzor.
Në tërësi nga luftimet ndërkaq, të paktën 1 mijë persona kanë mbetur të vrarë në Izrael, thotë Ministria e Shëndetësisë e Izraelit.
2 mijë e 806 izraelitë u plagosën dhe u dërguan në spitale të ndryshme që nga sulmi i papritur i Hamasit të shtunën në mëngjes, zbulojnë zyrtarët e Ministrisë së Shëndetësisë.
Të paktën 830 palestinezë janë vrarë dhe 4 mijë e 250 janë plagosur në sulmet ajrore izraelite, tha Ministria e Shëndetësisë në Gaza.
#Israel showed the world bodies of 40 beheaded Israeli babies found in Israeli kibbutzs after a massacre by #Hamas terrorists there.
Israel brought Western journalists to a site with the bodies of beheaded Jewish children. Listen to what a journalist from the scene says about… pic.twitter.com/qa2wQPqVuR
— NEXTA (@nexta_tv) October 10, 2023
Discussion about this post