Është finalizuar me sukses operacioni policor i koduar “Shooting”, për goditjen e veprimtarisë kriminale në fushën e armëmbajtjes pa leje.
Komisariati i Policisë Nr. 5 ka bërë të mundur arrestimin e Fehtah Jata 38 vjeç, pasi ka qëlluar me armë zjarri në ajër dhe më pas nuk iu bind urdhrit të punonjësve të Policisë, duke i kërcënuar se do qëllonte në drejtim të tyre.
Shërbimet e Policisë janë afruar në banesën në të cilën dyshohej se fshihej 38-vjeçari dhe i kanë bërë thirrje që të hapte derën. Jata nuk i është bindur thirrjes së Policisë, por ka mbyllur derën dhe ka kërcënuar se do qëllonte në drejtim të uniformave blu.
Në cilësinë e provës materiale u sekuestruan një armë zjarri kallashnikov, dy karikatorë me fishekë luftarak dhe 11 gëzhoja.
Materialet procedurale i kaluan Prokurorisë pranë Gjykatës së Shkallës së Parë Tiranë, për veprime të mëtejshme.
Discussion about this post