Forcat e Policisë në Shkodër, të mbështetura edhe nga efektivë të RENEA, arritën të arrestojnë mbrëmjen e sotme 43-vjeçarin Balil Murataj.
Ky i fundit, sipas raportimeve, dyshohet se në orët e pasdites ka terrorizuar banorë të zonës së Bardhajt në njësinë Rrethina, duke qëlluar me armë zjarri në ajër.
Nga raportimet mësohet se 43-vjeçari, ishte duke udhëtuar me makinë, kur nga automjeti qëllonte në ajër.
Ky duket se është i arrestuari i parë nga Policia që ka blinduar kryeqendrën e veriut dhe po ushtron kontrolle në akset kryesore dhe lagjet ku ka pasur informacione për persona me precedent penalë apo të shpallur në kërkim.
Discussion about this post