Rastet e abuzimeve me të mitur raportohen çdo ditë, teksa siguria e fëmjivëe në shoqëri duket se është në një pikë kritike, bazuar në risqet ndaj të cilave të miturit ekspozohen. Një tjetër rast është shënuar në Fier, ku policia e Fierit ka ndaluar një 29-vjeçar me iniciale R.A, pasi dyshohet se ka përndjekur në mënyrë të vazhdueshme një të mirut, 15-vjeçare. 29-vjeçari mësohet se është banues në Tropojë.
“Specialistët për Hetimin e Krimeve në Komisariatin e Policisë Fier ndaluan shtetasin R. A., 29 vjeç, banues në Topojë, pasi dyshohet se ka përndjekur në mënyrë të vazhdueshme një shtetase të mitur 15 vjeçe.”, thuhet në njoftim.
Vetëm në nëntë muajtë e parë të këtij viti, në të gjithë vendin janë regjistruar 102 raste të krimeve seksuale, në 42 prej të cilave është abuzuar seksualisht. Referuar të dhënave të policisë rezulton se në 8 raste pre e abuzimeve janë të mitur, 10 janë vajza të moshës nga 14-18 vjeç. Në 13 raste është abuzuar me persona më të rritur në moshë, si dhe në 7 raste me persona me aftësi të kufizuar.
Discussion about this post