Është arrestuar 29- vjeçari i cili disa ditë më parë qëlloi me armë zjarri në ajër duke terrorizuar banorët e Kuçovës. Bëhet fjalë për të riun me emrin Fabian Brisku banues në lagjen “11 Janari”. Gjatë kontrollit në oborrin e banesës së tij u gjetën dhe u sekuestruan, në cilësinë e provës materiale, një armë zjarri e tipit Kallashnikov, një granatë ofensive dhe fishekë luftarakë.
Gjithashtu, në kuadër të këtij operacioni, shërbimet e Komisariatit të Policisë Kuçovë vunë në hetim personin e identifikuar me iniciale K.L., 21 vjeç, banues në lagjen “11 Shkurti”, Kuçovë, pasi gjatë kontrollit të ushtruar në banesën e tij u gjetën dhe u sekuestruan një sasi lënde narkotike e llojit Cannabis Sativa dhe disa fishek luftarakë.
Materialet procedurale i kaluan Prokurorisë pranë Gjykatës së Shkallës së Parë Berat për veprime të mëtejshme.
Discussion about this post