Mesfushori i Milanit, Ismael Bennacer, ka rezultuar pozitiv me koronavirus dhe nuk do të luajë sonte në orën 20:30 kundër OGC Nice.
‘Kuqezinjtë’ kanë njoftuar se mesfushori algjerian do të humbasë ndeshjen që do luhet në Stadiumin Allianz Riviera në orën, pasi doli pozitiv për COVID-19.
Bennacer luajti 90 minuta kundër Modenas fundjavën e kaluar, por nuk u thirr për udhëtimin në Francë. Lajmi i infektimit me Covid-19 të mesfushorit është bërë publik nga vetë klubi Italian përmes një postimi në rrjetet sociale.
“Milani njofton se Ismael Bennacer nuk është thirrur për miqësoren kundër OGC Nice, pasi ai rezultoi pozitiv gjatë një testi të kryer gjatë javës. Autoritetet lokale shëndetësore përgjegjëse u informuan menjëherë. Lojtari është mirë dhe vazhdon stërvitjen në shtëpi. Theksojmë se Ismael nuk kishte kontakte me pjesën tjetër të shokëve të tij të skuadrës që nga miqësoreja e së shtunës së kaluar kundër Modenas. Grupi i ekipit rezultoi negativ në të gjithë testet e bëra këtë javë’.-njoftoi klubi ‘Kuqezi’./Gijotina.com
