Testet e shpejta nuk mund të tregojnë nëse je infektuar nga Omicron, 40% janë të gabuar

Të dhënat e fundit nga studimet amerikane kanë zbuluar se po bëhet gjithmonë e vështirë të evidentohet nëse jeni të infektuar me variantin Omicron.

Dhe kjo po ndodh, sepse tamponët e shpejtë nuk po e kryejnë më detyrën e tyre. Sipas ish-drejtorit ekzekutiv të  Agjencisë Europiane të Barnave Guido Rasi thotë se mutacioni i ri i virusit Sars-Cov-2 mund t’i shpëtojë më shpesh testeve të shpejta. “Tani më shumë se kurrë është thelbësore që profesionistët e kujdesit shëndetësor të vazhdojnë të jenë të përditësuar mbi evolucionin e virusit dhe njohuritë tona si në fushën diagnostikuese ashtu edhe në atë terapeutike”, u shpreh ai.

Rasi vuri theksin edhe te fakti që tamponët e shpejtë antigjenikë janë “të pandjeshëm” për ta kapur praninë e virusit dhe për këtë arsye janë jo të besueshëm. Sipas gazetës italiane “La Stampa”, 40% e testeve të shpejta japin përgjigje “fals negative”, që do të thotë se testi del me përgjigje negative edhe pse personi është i infektuar. Kjo është arsyeja pse, sipas ekspertit, marrja e tre dozave të vaksinave bëhet edhe më e rëndësishme.