Ashtu si edhe në provimet e tjera, edhe këtë herë Ministria e Arsimit ka dështuar.
Teza e provimit të Gjuhës Shqipës dhe Letërsisë, të cilët maturantët po i nënshtrohen ditën e sotme, është publikuar në rrjetet sociale vetëm 20 minuta, pasi nxënësit u futën në provim.
Bëhet fjalë për variantin e tezës B, teksa tashmë pritet si gjithmonë reagimi i Ministrisë së Arsimit, duke u justifikuar me pretendimet se kjo gjë nuk e justifikon procesin. Publikimi i tezave të provimeve të Maturës që duhej të ishin sekret vijojnë të bëhen publike.
Maturantët u futën në provim në orën 10:00 dhe përfundojnë në orën 12:30, ku të gjithë janë të detyruar të qëndrojnë në klasat ku zhvillohet provimi deri në fund.
Kujtojmë se më 3 Qershor maturantët iu nënshtrua provimit të parë, atij të gjuhës së huaj, teksa do të zhvillojnë provimin e Matematikës më 17 qershor dhe më pas Provimin me Zgjedhje më 24 qershor.
Discussion about this post