Ditën e sotme, Rusia ka njoftuar se ka testuar raketën balistike ndërkontinentale të quajtur “Sarmat”, shtesë e re në arsenalin e saj bërthamor, për të cilën presidenti Vladimir Putin, është shprehur se do t’i bëjë armiqtë e Moskës të mendojnë mirë.
Mediat ruse kanë transmetuar një video ku në të cilën tregohet se si ushtria ruse e ka lëshuar raketën nga Plesetsku, në veriperëndim të vendit dhe se ajo ka goditur objektivin në gadishullin Kamchatka në lindje të largët.
Nga ana tjetër, ka reaguar Vladimir Putin i cili e përshkroi lëshimin si të suksesshëm dhe e vlerësoi raketën e re.
“Ajo ka karakteristikat më të larta taktike dhe teknike dhe është në gjendje të kapërcejë të gjitha mjetet moderne të mbrojtjes raketore. Nuk ka të ngjashme në botë dhe nuk do të ketë për një kohë të gjatë. Këto armë vërtet unike do të forcojnë potencialin luftarak të forcave tona të armatosura, do të garantojnë siguri për Rusinë nga kërcënimet e jashtme.”
Kujtojmë se, raketa ka evoluar prej vitesh dhe lëshimi i saj provë nuk është befasi për Perëndimin, por ajo ndodhi në një kohë tensioni ekstrem gjeopolitik për shkak të luftës ruse në Ukrainë.
Discussion about this post