Trajneri i Egnatias së Rrogozhinës, Edlir Tetova së bashku me kapitenin Hysen Memolla kanë dalë në konferencën për mediat në prag të ndeshjes me Ararat-Armenia në UEFA Europa Conference League.
Pasi është pyetur për mundësitë e ekipit të tij për të kaluar turin, trajneri deklaroi se shanset për fitore dhe si rrjedhojë, kualifikim për në raundin e dytë janë të barabarta.
“Shanset janë 50 me 50, ne e kemi përgatitur ndeshjen shumë mirë ndaj Ararat. Jemi përfaqësuar denjësisht në kampionati, dhe nuk është se ka shumë ndryshime. Ne do të bëjmë lojën tonë si në kampionat dhe gjithçka do të shihet nesër në fushë”, deklaroi Tetova.
Takimi Ararat-Armenia – Egnatia e Rrogozhinës do të luhet ditën e enjte, me start në orën 17:00.
Discussion about this post