Skuadra e Teutës është shpallur zyrtarisht kampion në Kategorinë Superiore pas 27 vitesh pritje. Durrsakët u kurorëzuan si ekipi më i mirë i sezonit duke grumbulluar 66 pikë, po aq sa Vllaznia por me golavarazhin më të mirë. Durrsakët fituan ndeshjen e fundit ndaj Apolonisë me shifrat tenistike 6-1 duke mos i lënë vendin surprizave. Investimet e president Edmond Hasanbelliu u shpërblyen me titullin kampion. Teuta ishte skuadra më kompakte këtë edicion dhe arriti të menaxhonte energjitë në sfidat direkte. Bregdetarët u shpallën me merita kampion të Superligës teksa skuadra ka kaluar nga suksesi në sukses. Sezonin e kaluar ftuan Kupën dhe Superkupën teksa këtë edicion u shpallën kampion të Kategorisë Superiore.
