Kryetarja e Dhomës së Specializuar, Ekaterina Trendafilova ka caktuar përbërjen e panelit që do të gjykojë ankimimin e mbrojtjes së ish-presidentit të Kosovës, Hashim Thaçi.
Vendimi është publikuar në faqen zyrtare të Dhomave të Specializuara të Kosovës, dhe sipas vendimit paneli i Apelit do të përbëhet nga gjyqtarët Michèle Picard, Emilio Gatti dhe Nina Jørgensen.
Më 24 gusht Trendafilova ka hedhur poshtë kërkesën e mbrojtjes së Hashim Thaçit, për vetë tërheqjen e saj nga detyra e caktimit të panelit të Apelit, i cili do të vendosë rreth kësaj ankese.
Këtë kërkesë mbrojtja e ish-presidentit të Kosovës e kishte parashtruar më 16 gusht, ndërsa më 9 nëntor, në paraqitjet e tyre të para, Jakup Krasniqi e Hashim Thaçi janë deklaruar të pafajshëm për krimet që janë akuzuar. Të njëjtën deklaratë ka bërë edhe Veseli në paraqitjen e tij me 10 nëntor, sikurse edhe Selimi me 11 nëntor.
