Gazeta spanjolle “The Objective” ka publikuar sot një lajm të mirë për Kosovën. Në një arikull të posacëm, “The Objective” shkruan se kreu i Qeverisë së Spanjës, Pedro Sanchez, është duke përgatitur një plan me rëndësi, që do të bëjë kthesë historike sa i përket pozitës së Madridit zyrtar për Republikën e Kosovës, Sipas kësaj gazete spanjolle një lëvizje e tillë do të nënkuptojë edhe pranimin de-fakto të pavarësisë së Republikës së Kosovës. Sipas “The Objective”, Spanja do të hap një Zyrë Tregtare dhe Kulturore në Prishtinë. Gazeta thotë se një veprim i tillë do të bëhet duke ndjekur modelin e Franco-s me BRSS-në, pra pa nënkuptuar njohjen e plotë.
Nga ana tjetër, lidhur me çështjen e njohjes së Kosovës nga Spanja dje ka folur edhe Sekretari i Shtetit për BE-në, Juan Gonzales-Barba, i cili e ka bërë të qartë se Spanja nuk do ta njohë Kosovës derisa s’ka një marrëveshje në mes të Prishtinës dhe Beogradit.
Por, numri tre i diplomacisë spanjolle për herë të parë ka hapur derën për bashkëpunim me institucionet e Kosovës. Ai ka thënë se Spanja dëshiron që të jetë më e përfshirë në rajon dhe një strategji e tillë do të ishte e çalë nëse vazhdohet me injorimin total të Kosovës. “Duhet bërë disa marrëveshje kompromisi dhe ne jemi duke shqyrtuar pikërisht disa forma pa njohur shtetet anëtare”, ka thënë ai . Ai ka treguar s e ky vendim do të merret shpejt dhe do të bëhet publik menjëherë.
Discussion about this post