'The Rock' bën realitet ëndrrën e Adele në 'Grammy 2023' -

‘The Rock’ bën realitet ëndrrën e Adele në ‘Grammy 2023’

Adele fitoi ‘zyrtarisht në jetë’ pasi plotësoi ëndrrën e saj për të takuar Dwayne “The Rock” Johnson në çmimet Grammy të këtij viti .

Momenti epik u mundësua nga prezantuesi i Grammy- t, Trevor Noah, i cili e nisi shfaqjen e ‘Grammy’ duke iu afruar tryezës së Adelës gjatë monologut të tij hapës dhe duke zbuluar disa fakte që nuk diheshin për këngëtaren britanike.

“Kjo është një nga gjërat më të çuditshme që kam zbuluar: Personi që Adele ka dashur gjithmonë ta takojë, por kurrë nuk e ka pasur, është Dwayne Johnson”, tha ai para audiencës së mbushur me yje në ceremoninë e 65-të vjetore. “Kam zbuluar se ai është gjithashtu një fans i madh i juaji.”

Pa e ditur për dëshiren e artistes, Johnson u nis dhe u vendos pas karriges së saj. Këngëtarja e habitur u ngrit në këmbë dhe mori një përqafim nga aktori i Hollivudit.

“Adele takohet me The Rock, The Rock takohet me Adele! Për herë të parë ndonjëherë!” tha Noah. “Në rregull, tani që ju të dy njiheni, ne duhet të vazhdojmë shfaqjen në lëvizje!”

Në Dhjetor 2021, Adele zbuloi se donte të takonte Johnson, të cilin e përshkroi si “të mahnitshëm”. Pavarësisht se ka jetuar në Beverly Hills prej disa vitesh, këngëtarja 34-vjeçare ende nuk është hasur në rrugë me aktorin.

Miqësia e re e Adele dhe Johnson u forcua të dielën mbrëma, kur ai u ngjit në skenën në Crypto.com Arena në Los Angeles për t’i dhënë asaj çmimin më të mirë të performancës solo pop për “Easy On Me”.

“Ngrihu këtu, shoqja ime e mirë Adele”, tha ylli i “Black Adam”.