Kombëtarja shqiptare e futbollit është një nga 24 ekipet që do marrë pjesë në finalet e “Euro 2024”, i cili do të zhvillohet në Gjermani nga 15 qershori deri në 15 korrik.
Tanimë me mësimin e 21 skuadrave të kualifikuara dhe tre të tjerave që vijnë nga play-off i Ligës së Kombeve, është mësuar edhe ndarja e vazove.
Në shortin e datës 2 dhjetor që do hidhet në Hamburg në orën 18:00, kuqezinjtë janë në vazon e dytë, duke lënë pas ekipe si Holanda, Italia, Kroacia dhe Zvicra.
“The Sun” ka vazhduar traditën e saj duke bërë një simulim të shortit. Sipas këtij verdikti të improvizuar, Shqipëria do të vendoset në Grupin 2 bashkë me Spanjën, Sllovakinë dhe Serbinë. Anglia është vendosur në Grupin 4 bashkë me Italinë, Skocinë dhe Turqinë.
Grupet sipas The Sun:
Grupi 1: Gjermani, Danimarkë, Ceki, Play-off A
Grupi 2: Spanja, Shqipëria, Sllovakia, Serbia
Grupi 3: Franca, Rumania, Slovenia, Play-off C
Grupi 4: Angli, Turqi, Skoci, Itali
Grupi 5: Belgjika, Hungaria, Kroacia, Zvicra
Grupi 6: Portugalia, Austria, Holanda, Play-off B
Discussion about this post