Cili është theksi që ju tërheq më shumë? Një spanjolle e ashpër? Gjuha angleze ndoshta?
Epo, sipas platformës së mësimit të gjuhës Babbel, është zyrtare: frëngjishtja nuk është më theksi më seksi në botë.
Kjo deklaratë e guximshme do të jetë një zhgënjim për shumë njerëz, veçanërisht pasi Babbel më parë anketoi më shumë se 15 mijë njerëz në vitin 2017, një grup që e quajti frëngjisht “theksin më seksi”.
Pra, kush e ka rrëzuar nga froni “la belle langue française”?
E pra, 6 mijë njerëz nga Britania e Madhe, Franca, Spanja, Italia dhe Gjermania, si dhe ShBA, u pyetën të vlerësonin se cilat gjuhë perceptohen si “më seksi”, “më romantike” dhe “më pasionante”.
Gjetjet deklaruan se italishtja u perceptua nga shumica si “më seksi” dhe “më romantike” nga numri më i madh i njerëzve të përfshirë në studim.
“Ka disa karakteristika të italishtes që mund të kontribuojnë në tërheqjen e saj”, shpjegoi mësuesi i gjuhës Babbel Nowl Wolf.
“Ngritja dhe rënia e zërit në italishten e folur mund të krijojë një cilësi muzikore, të cilën disa njerëz e konsiderojnë tërheqëse”, tha Wolf.
“Disa veçori fonetike, të tilla si rrotullimi i tingujve “r”, mund të jenë të dallueshme në italisht, të cilat për shumë veta konsiderohet si simpatike ose tërheqëse”.
Anglishtja britanike u gjet të ishte “më e sjellshme”, ndërsa gjermanishtja fitoi vendin e parë për gjuhën “më të drejtpërdrejtë”.
Discussion about this post