Thellohet bilanci i viktimave nga sulmi që ndodhi në një çerdhe në Tajlandë. Sipas policisë, ish-efektivi që ishte autor i ngjarjes ka vrarë familjen e tij dhe më pas veten.
Gjithsej në sulm humbën jetën më shumë se 20 fëmijë. Nërkohë që tre prej tyre kanë qenë vetëm 3 vjeç. Pamjet e postuara në mediat sociale treguan fletë që mbulonin trupat e fëmijëve të shtrirë në pellgje gjaku në qendër në qytetin Uthai Saëan në provincën verilindore të Nong Bua Lamphu.
Policia lokale tha se sulmuesi ishte i armatosur me një armë gjahu, një pistoletë dhe një thikë dhe se ai u largua nga vendi i ngjarjes me një automjet. Pasi u arratis, sulmuesi u kthye në shtëpinë e tij dhe vrau veten së bashku me gruan dhe fëmijën e tij.
Discussion about this post