Krisja mes kryebashkiakut të Vlorës, Dritan Leli dhe PS nuk ka kthim pas. Këtë e ka bërë të ditur zv.kryeministri Arben Ahmetaj njëkohësisht drejtuesi politik i Partisë Socialiste në Vlorë, Arben Ahmetaj, i cili këtë të premte ka zhvilluar një mbledhje në Pallatin e Kulturës së qytetit, ku pjesë kanë qenë anëtarë të gjithë rajoneve.
Mësohet se, në mbledhje Ahmetaj është shprehur se Leli nuk do të jetë më pjesë e listave për kryetar bashkie, ndërsa ka bërë thirrje që të shmangen debatet publike.
“Ka humbur besimi i Dritanit Lelit në parti, nuk ka më kthim pas në marrëdhënie parti-Dritan, por duhet të shmangim debatet publike”, ka thënë Ahmetaj.
Ndër të tjera, mësohet se në mbledhje janë diskutuar në lidhje me organizimet e partisë për zgjedhjet e ardhshme vendore.
