“Të gjitha familjet që harxhojnë më shumë se 700 kWh energji elektrike në muaj do ta paguajnë më shtrenjtë”, deklaroi qeveria një ditë më parë. Por ende nuk është marrë një vendim përfundimtar. Azmer Duleviç- Pedagog dhe ekspert i energjisë ka folur më gjerë mbi këtë çeshtje, duke theksuar se me çmimin e ri një familje mesatare që do të harxhojë më shumë se 700 kwh energji do të paguajë trefishin e çmimit aktual.
“Në një familje mesatare që nëse harxhon 700 kwv orë fatura do të jetë 66 mijë-67 mijë lekë të vjetra. Me ndryshimin e ri i bie që kjo familje që konsumon kaq kwh, me çmimin e ri do paguajë 219 mijë lekë të vjetra, pra gati 3 fish më shumë sesa paguan aktualisht. Sipas statistikave mbi 33 mijë abonentë preken direkt nga kjo rritje”, tha ai.
Nëse ky vendim merret përfundimisht eksperti tha se mbi 33 mijë abonentë preken direkt nga kjo rritje. Ai sugjeroi që kjo fashë duhet të ndryshohet dhe të bëhet mbi njëmijë kilovat/orë.
Ministrja e energjisë Belinda Balluku deklaroi dje se ende nuk është marë një vendim përfundimtar për këtë çështje.
“Ne jemi në përfundim të një analize të thellë për të dalë në përfundimin se sa kilovat orë I duhen një familjeje për të pasur një konsum normal. Flasim për fashën e familjarëve dhe jo të biznesit të vogël. Fasha shkon 700 kilovat orë, konsiderohet një konsum normal. Ende nuk është marrë një vendim por po jua them si shifër. Kush harxhon më shumë se 700 kilovat orë do të paguhet me çmim më të lartë”
Ky vendim i qeverisë po meret në diskutim pasi është paralajmëruar se vendi është në krizë të thellë energjitike. Aktualisht ështe vendosur ndërpreja e energjisë elektrike për akset kombëtare rrugore ndërsa nivlei në Fierzë mbetet ende në nivele minimale pavarësiht reshjeve të shiut të rëna së fundmi.Kesh ka ndërprerë prodhimin e energjisë elektrike në Fierzë për të rritur rezervën energjitike ndërsa nevojat e vendit po plotësohen në import ku energjia ka kapur shifra rekord.
Discussion about this post