Grupi i Partisë Demokratike pritet të zhvillojë një mbledhje ditën e nesërme për të diskutuar për dy çështje kryesore, atë të krizës së brendshme dhe emrin e ri të Presidentit. Mbledhja e të martës pritet të sjellë debate të shumta në PD, kjo pasi gjykata e Apelit vendosi të pranojë kërkesën e Enklejed Alibeajt për ankimin e vendimit nga Gjykata e Tiranës, që njeh “Rithemelimin” si drejtues të PD-së.
Në ankesën dërguar gjykatës, Alibeaj kërkon prishjen e vendimit të marrë nga gjyqtari ose shqyrtimin me një tjetër trupë gjykuese.
Në dy mbledhjet e fundit ka pasur përplasje të ashpra mes ish-kryeministrit Sali Berisha dhe Enkelejd Alibeajn, pasi ky i fundit nuk pranon kandidimin e Berishës për kryetar dhe zhvillimin e zgjedhjeve.
Pavarësisht se e drejta për të drejtuar PD-në është në proces gjyqësor, Komisioni i Rithemelimit vijon të zhvillojë zgjedhjet në degët e PD-së, ndërsa të shtunën pritet të mbahet Kuvendi i radhës i PD.
Discussion about this post