Thellohet përçarja në Partinë Demokratike të vulës, sikundër njihet ajo që deri para pak javësh drejtohej nga i komanduari Enkelejd Alibeaj dhe që brenda 29 korrikut po synon të caktojë Lulzim Bashën si kryetar.
Pasditen e sotme pritet një mbledhje e Kryesisë së PD-zyrtare, e kërkuar nga 1/5 e anëtarëve të saj, por në mbledhje do të mungojë Gazment Bardhi, i cili mban funksionin e Sekretarit të Përgjithshëm të kësaj pjese të PD-së.
Gjithashtu pritet që në mbledhje të mungojnë edhe disa prej deputetëve, si Lefter Gështenja, Saimir Korreshi, Helidon Bushati, Dhurata Çupi, Bledion Nallbati, Dashnor Sula, si dhe Jonila Godole, që kanë kundërshtuar procesin e njëanshëm të organizimit të zgjedhjeve në këtë parti, çka duket se çdo vendim që mund të merret sot, nuk do të njihet prej tyre.
Mësohet se në mbledhje janë 15 anëtarë, mes tyre edhe Enkelejd Alibeaj. Mbledhja e sotme është thirrur nga ata që njihen ose konsiderohen si mbështetës të Lulzim Bashës dhe në rendin e ditës janë 3 çështje:
1- Miratimin e grupeve të punës për mbikqyrjen e procesit të evidentimit të listave të anëtarësisë në Degët e PDSH;
2- Miratimin e rregullores së brendshme “Mbi modalitetet e procesit zgjedhor për Kryetar të Partisë Demokratike”:
3- Plotësimin e vakancave dhe emërimin e anëtarëve të Komisionit Zgjedhor; 4- Diskutim mbi propozimet e Sekretarit të Përgjithshëm.
Një ditë më parë Bardhi i ka kërkuar Kryesisë të mbledhë Këshillin Kombëtar për të miratuar vendimet për zgjedhjet e 29 korrikut, e po ashtu edhe për miratimin e Komisionit Zgjedhor.
Bardhi përmes një kërkese drejtuar Kryesisë i bën të ditur se vendimmarrjet mund të merren vetëm ngë Këshillit Kombëtar, për të cilin thotë se është funksional dhe bazuar në statut duhet të vendosë mbi procesin e zgjedhjes së Kryetarit.
Në anën tjetër, grupi që synon organizimin e zgjedhjeve, të cilët janë identifikuar si mbështetës të Lulzim Bashës, duket se do të çojnë përpara procesin, edhe pse ata mund të përballen në Gjykatë, me kundërshtarët brenda grupimit të PD zyrtare.
Ajo që dihet deri më tani është fakti se në PD zyrtare janë disa grupime që kundërshtojnë njëri-tjetrin, ndërsa Lulzim Basha vijon turin e takimeve në zona të ndryshme, por ende nuk ka deklaruar zyrtarisht nëse do të marrë ose jo drejtimin e kësaj pjese të PD-së.
Deputetët që e kanë bojkotuar
Gazment Bardhi
Helidon Bushati
Lefter Geshtenja
Saimir Korreshi
Bledjon Nallbati
Dhurata Cupi
Dashnor Sula
Deputetët që janë pjesëmarrës
Arbi Agalliu
Kreshnik Çollaku
Flutura Acka
Orjola Pampuri
Anëtarët, mbështetës të Bashës
Jemin Gjana
Fitim Zekthi
Gentian Gaba
Endri Hasa
Indrit Sefa,
Roland Bejko,
Taulant zeneli,
Gazment Koduzi
Taulanda Jupi
Juela Hamati
Agron Kapllanaj
Kanë dhënë dorëheqjen
Jorida Tabaku
Flamur Hoxha
Oriela Nebiaj
Discussion about this post