Një 50-vjeçare shqiptare mbeti tragjikisht e copëtuar duke u përpjekur të pastronte një mulli mishi në një dyqan në Messolonghi. Dhimbja bëhet edhe më e madhe teksa e gjithë ngjarja ndodhi në sy të vajzës së saj.
Aksidenti ka ndodhur mbrëmjen e së premtes kur gruaja dhe vajza e saj, të cilat punonin së bashku në dyqane pastrimi, kanë shkuar në dyqanin e mishit për të bërë punën e tyre.
Vajza e saj doli në rrugë dhe bërtiste ‘ndihmë’”, raportojnë personat që ndodheshin aty.
Një kalimtar ka hyrë në dyqan dhe ka zbuluar tmerrin që kishte ndodhur. Vajza më pas filloi të bërtiste, pa mundur të besonte se çfarë kishte ndodhur para syve të saj, dhe më pas thuhet se u dërgua në spital në gjendje shoku.
Në vendngjarje kanë shkuar policia, ambulanca dhe zjarrfikësja. Sipas përllogaritjeve, gruaja po pastronte makinën kur gabimisht iu kapën flokët, duke bërë që ajo të copëtohej.
Gruaja prej dy vitesh jetonte në Mesolongji me dy fëmijët e saj, vajzën 18-vjeçare dhe djalin 10-vjeçar, kur erdhi nga Shqipëria, pas ndarjes me bashkëshortin.
Sipas informacioneve, ajo jetonte në shtëpi edhe me nënën e saj.
Sipas njerëzve që e njihnin, ajo punonte me të bijën nga mëngjesi deri në mbrëmje dhe pastronin dyqanet për të siguruar jetesën.
Hetimet paraprake për zbardhjen e saktë të shkakut të aksidentit po kryhen nga AT Mesolongjit.
Discussion about this post