Theu arrestin shtëpiak, arrestohet i riu në Vlorë

Një 30-vjeçar është arrestuar nga Policia në Vlorë pasi ka thyer masën e sigurisë “arrest në shtëpi”.

Blutë bëjnë me dije se ndaj të riut është vendosur masa e “arrest në shtëpi” për shkak të veprës penale “Vjedhja”.

“Specialistët për Hetimin e Krimeve të Komisariatit të Policisë Vlorë arrestuan në flagrancë shtetasin 30 vjeç, banues në Vlorë, pasi duke dalë nga banesa e tij, ka thyer masën e sigurisë “Arrest në shtëpi”, të caktuar nga Gjykata, për veprën penale ‘Vjedhja'”, thuhet në njoftimin e policisë.