Theu masën e arrestit shtëpiak për të përndjekur një grua, arrestohet 36 vjeçari

Një 36 vjeçar është arrestuar nga policia e Tiranës për përndjekje dhe dhunë.

Sipas policisë, 36 vjeçari ka thyer masën e arrestit shtëpiak dhe ka përndjekur një 35 vjeçare, të cilën më pas edhe e ka dhunuar.

“Specialistët për Hetimin e Krimeve të Komisariatit të Policisë Nr. 4 arrestuan shtetasin K. B., 36 vjeç, banues në Tiranë, pasi dyshohet se ka përndjekur një 35-vjeçare dhe ka ushtruar dhunë ndaj saj, si dhe ka thyer masën e sigurisë ‘Arrest në shtëpi’, caktuar nga Gjykata”, njofton policia.