Një 21-vjeçar është arrestuar nga policia e Krujës, pasi jo vetëm kishte thyer masën e sigurisë “arrest shtëpie”, por edhe ka qëlluar me armë zjarri në ajër.
21-vjeçari, banues në fshatin Borizanë dhe i dënuar më parë për vjedhje, ke thyer masën e sigurisë duke shkuar në fshatin Arrameras dhe në orët e mbrëmjes ka qëlluar me armë zjarri pistoletë në ajër, në afërsi të banesave, fatmirësisht pa shkaktuar të lënduar.
I riu sapo ka parë shërbimet e Policisë ka fshehur armën e zjarrit dhe është larguar, por është kapur disa minuta më vonë.
Materialet i kaluan Prokurorisë së Rrethit Gjyqësor Krujë, për veprime të mëtejshme, për veprat penale “Armëmbajtja pa leje”, “Prishja e rendit dhe e qetësisë publike” dhe “Largimi i të burgosurit nga vendi i qëndrimit”.
Discussion about this post