Ditën e sotme një 47-vjeçar shqiptar, ndaj të cilit ishte vendosur masa e sigurisë “arrest shtëpie” ka përfunduar në paraburgim, pasi ka thyer masën e sigurisë.
Mësohet se mëngjesin e së shtunës 47-vjeçari shqiptar së bashku me mikun e tij ishin duke bërë xhiro me makinë në rrugën “Giulio Cesare” në Torino, kur nga pakujdesia, drejtuesi i mjetit humb kontrollin dhe shkakton aksident duke u përplasur me dy makina të tjera që ndodheshin në vendngjarje.
Nga ana tjetër, menjëherë në vendngjarje kanë mbërritur karabinierët, të cilët pasi kanë bërë verifikimet kanë parë që 47-vjeçari shqiptar ishte me masë sigurie “arrest shtëpie”, prandaj i kanë vendosur prangat menjëherë duke e çuar në paraburgim.
Gjithashtu, 47-vjeçari ishte në arrest shtëpie, pasi i ishte gjetur në xhep pak kohë më parë një thikë 12 centimetra e gjatë.
Së fundmi, bëhet me dije se nga kjo ngjarje nuk ka shpëtuar as miku i tij, i cili rezultoi se drejtonte mjetin në gjendje të dehur, dhe gjykata vendosi që t’i heqë patentën.
Discussion about this post