Thiago Silva po zhvillon sezonin e fundit me skuadrën angleze të Chelsea. Mbrojtësi brazilian është në vitin e fundit të kontratës. Në verë del lojtar i lirë dhe 38-vjeçari mund të rikthehet atje ku nisi gjithçka.
Në skenë ka dalë Fluminense e Rio De Zhaneiros, klub ku një nga qendërmbrojtësit më të mirë të viteve të fundit luajti përpara se të transferohej te italianët e Milanit, në vitin 2009.
Presidenti i klubit brazilian, Mario Bittencourt dhe Marcelo, i cili u rikthye te Fluminense pas aventurës aspak pozitive tek Olympiacos, po tentojnë ta bindin të rikthehet në shtëpi.
Thiago Silva luan me Chelsea prej gushtit të vitit 2020. Me “Blutë e Londrës” realizoi ëndrrën e madhe të fitimit të Champions League në vitin 2021, pasi kishte humbur një sezon më parë finalen e turneut elitar kur aktivizohej me PSG.
Discussion about this post