Thierry Henry emërohet zyrtarisht trajner i Francë U-21

Ish-sulmuesi legjendar i Francës, Thierry Henry, ka marrë detyrën e tij të radhës si trajner me Les Bleus.

Henry do të shërbejë si trajner i ekipit francez U-21 deri në vitin 2025, sipas Federatës Franceze të Futbollit.

Legjenda e Arsenalit do të punojë me ekipin përpara Lojërave Olimpike në Paris verën e ardhshme.

“Thierry Henry është emëruar si trajneri i ri i Francës U21, deri në vitin 2025”.

“Ish-reprezentuesi francez do të udhëheqë Les Bleuets gjatë fushatës së ardhshme kualifikuese për Euro 2025 U21, si dhe Lojërat Olimpike në Paris në 2024”, thuhet në njoftim.

𝗧𝗵𝗶𝗲𝗿𝗿𝘆 𝗛𝗲𝗻𝗿𝘆 has been appointed as the new France U21 manager, up until 2025✍️

The former French international will lead Les Bleuets through the upcoming qualifying campaign for the 2025 U21 Euros, as well as Olympic Games in Paris in 2024 🇫🇷 pic.twitter.com/OEzBn9JZre

— French Team ⭐⭐ (@FrenchTeam) August 21, 2023

Ai zëvendëson Sylvain Ripoll, i cili humbi punën e tij pas eliminimit të hershëm të kombëtares në Euro U-21 këtë verë.

Henry ka punuar në Monaco në Ligue 1 dhe Montreal në MLS, ndërsa ai ishte një asistent i Robert Martinezit për një kohë të gjatë te Belgjika.

Futbollisti i madh do të debutojë me të rinjtë e Les Bleus më 7 shtator kundër Danimarkës.