Bordi i ERE në mbledhjen e kësaj të premteje ka pezulluar rritjen e tarifës për energjinë elektrike për muajin tetor, por e ka shtyrë aplikimin e saj nga 1 nëntori deri më 31 dhjetor.
Bordi diskutoi “Për një ndryshim në vendimin nr. 242, datë 23.09.2022, të bordit të ERE-s, “Mbi miratimin e çmimit të shitjes së energjisë elektrike prej 42 lekë/kWh për konsumin mbi 800 kWh/muaj për klientët familjarë për periudhën 1 Tetor – 31 Dhjetor 2022”, thuhet në njoftimin e shpërndarë për mediat.
Mbledhja e bordit të ERE vjen pasi qeveria anuloi vendimin për vendosjen e fashës 800 kWh për muajin tetor. Ndërkohë ERE sot anuloi rritjen e çmimit për muajin tetor, miratoi vendosjen e fashës 800 kWh nga 1 nëntori deri më 31 dhjetor 2022.
Discussion about this post