Presidenti ukrainas, Vlodymyr Zelensky vjen me një thirrje të fortë për nënat ruse, teksa lufta në Ukrainë ka hyrë në javën e saj të tretë. Ai përmes një videomesazhi iu drejtua nënave ruse, duke i kërkuar që mos të dërgojnë fëmijët e tyre në fushëbetejë.
Zelensky u shpreh që mos t’i besojnë premtimet se fëmijët do të dërgohen diku për stërvitje, apo në kushte joluftarake, dhe që të veprojnë menjëherë nëse ka dyshime se do të nisen drejt Ukrainës.
“Dua t’ua them këtë edhe një herë nënave ruse, veçanërisht nënave të rekrutëve. Mos i dërgoni fëmijët tuaj në luftë në një vend të huaj”, tha ai në fjalimin emocionues.
Thirrja vjen pasi Rusia pranoi të mërkurën vullnetarë, ndërkohë që Putin bëri thirrje që të anëtarësohet kush ka dëshirë të luftojë kundër Ukrainës.
Discussion about this post