Presidenti i Serbisë, Aleksandar Vuçiç edhe nga Hungaria nuk ka harruar të komentojë tensionet në Veri të Kosovës.
BE po përpiqet për një takim në Bruksel, por Vuçiç tashmë e ka bërë të qartë kushtin për t’u ulur në tryezë ku thotë se nëse Kosova do të kthehet në atë që ishte para 20 shtatorit, atëherë Serbia do të ulet të dialogojë.
“Ne thamë, nuk ka problem, tërhiqni njësitë ROSU dhe ne do të flasim. Çfarë veprimesh bëri Serbia? A e dërgoi ushtrinë, policinë? Jo. Por nuk ia vlen, kur filloni të gënjeni, atëherë është kështu. Serbia këtë herë nuk është asgjë. Ajo nuk e bëri atë. Të gjithë janë të shqetësuar nga një Serbi e fortë. Ata duan që Serbia t’i njohë ata. Unë nuk dua të pajtohem me atë që ata duan. E përsëris, kthejeni gjithçka në atë që ishte para 20 shtatorit, dhe më pas mund të flasim. Thirrni NATO-n, telefononi kë të doni, por nuk do të merrni pëlqimin e Serbisë, “- tha Vuçiç.
Ai më tej tha se Albin Kurti dëshiron të dialogojë nga ky pozicion pasi ka interes që Kosova të jetë e pavarur dhe Serbia të marrë pjesë në diçka që nuk i intereson.
