Këshilli Kombëtar i Territorit, ka miratuar lejen për dhënien me koncesion të rrugës Thumanë-Kashar. Kështu, kompanitë koncesionare “Gener 2 dhe G2 Infra” që fituan si bashkim operatoresh të drejtën për kontratën e ndërtimit, operimit dhe mirëmbajtjes, do të marrë 1.56 miliardë euro (pa TVSH) për 35 vite.
Në kontratë thuhet se kompania do të vendosë një tarifë për kalimin e mjeteve në këtë segment rrugor për të gjeneruar të ardhura. Në vitet e para qeveria ka vendosur edhe një fond si garanci nëse kompania nuk siguron fitimin e planifikuar.
Kështu në vitin e parë plani bazë i të ardhurave për operim dhe mirëmbajtje është 26.85 milionë euro. Ndërkohë që shteti do të garantojë 8 milionë euro Në vitin e dytë që përkon me vitin 2025 plani bazë i të ardhurave është 25.58 milionë euro. Në vitin e tretë të operimit plani i të ardhurave është 25.10 ndërkohë që nëse nuk arrihet ky plan garancia e shtetit është për 3.92 milionë euro. Vit pas viti plani i të ardhurave ndryshon duke kulmuar në 63.15 milionë euro në vitin 2055. Teksa mbështetja e shtetit ndalet në vitin 2031 kur garancia e parashikuar është 360 mijë euro.
Në 4 tetor kompania kërkoi dhënien e lejeve nga institucionet. Duke i hapur kështu rrugë instalimit të një impianti të lëvizshëm betoni që do të prodhojë sasitë e nevojshme që do të nevojiten për zbatimin e kontratës dhe ndërtimin e rrugës.
Financimi
Kontrata e lidhur mes Ministrisë së Infrastrukturës dhe Energjisë dhe kompanive Gener 2 sh.p.k dhe G2 Infra sh.p.k ka ndryshuar dhe parashikon një koncesion 35 vjeçar. Ku dy vitet e para do të jetë ndërtim i këtij aksi dhe pjesa tjetër operim dhe mirëmbajtje. Forma e koncesionit do të jetë e formës DBFOM që parashikon projektimin, ndërtimin, financimin, operimin, mirëmbajtjen dhe më pas transferimin tek shteti.
Kjo do të thotë se burimet financiare për ndërtimin e rrugës do të sigurohen nga koncesioni. Dhe ky i fundit do të marrë në kthim të ardhurat nga tarifat që do të vendosen për kalimin në rrugë përgjatë gjithë periudhës së koncesionit. Një element tjetër i kontratës është ai lidhur me garantimin e të ardhurave bazë që do të vijnë nga operimi i rrugës. Shteti merr përsipër që në 8 vitet e para të nisjes së operimit nëse nuk arrihet plani bazë të ofrojë mbështetje.
Ankesa nga qytetarët
Vetëm 2 ditë me parë (15 dhjetor) Gijotina.com tregoi se banorët e Bërxullës dolën në një protestë para Ministrisë së Infrastrukturës sa i takon ndërtimit të projektit Thumanë-Kashar. Që sipas tyre po iu shkatërron pronat dhe ata nuk po marrin dëmshpërblimin e duhur. Banorët akuzojnë qeverinë për devijimin e projektit duke akuzuar edhe kompaninë që do e ndërtojë, “Gener 2”si një firmë hajdute. Ky projekt sipas banorëve prek 20 shtëpi dhe deri tani nuk ka asnjë bisedim me instancat përkatëse. Sipas banorëve qeveria po tallet me ta.
Lexo edheProjekti Thumanë-Kashar/ Banorët përplasen me Policinë: Po na soset durimi
Discussion about this post