Thumanë/ Qëllohet me armë zjarri në drejtim të një makine, identifikohet autori

Një ngjarje e rëndë është shënuar gjatë orës 11:00 në Thumanë, ku në parkimin e një lokali, dyshohet se pas një konflikti të çastit, është qëlluar me armë zjarri në drejtim të automjetit të parkuar.

Policia bën me dije se ngjarja ka ndodhur për motive të dobëta dhe nuk ka të lënduar.

Po ashtu, ‘blutë’ kanë bërë të mundur identifikimin e autorit.

“Me datë 27.04.2025, rreth 11:00, në Thumanë, në parkimin e një lokali, dyshohet se pas një konflikti të çastit, për motive të dobëta, është qëlluar me armë zjarri në drejtim të automjetit të parkuar në pronësi të shtetasit K. M. Nga të shtënat nuk ka persona të dëmtuar.

Autori i dyshuar pas ngjarjes është larguar me një automjet, i cili është i identifikuar nga ana jonë, por për arsyje hetimi nuk japim të dhëna të tjera.

Grupi hetimor ndodhet në vendngjarje dhe paraprakisht gjatë këqyrjes së saj ka gjetur e sekuestruar dy gëzhoja. Punohet për kapjen e autorit dhe dokumentimin e plotë të rastit”, thuhet në njoftimin e policisë.

Materialet procedurale iu referuan Prokurorisë, për veprime të mëtejshme