Pierre-Emerick Aubameyang nuk është më kapiten i Arsenalit që prej ndeshjes ndaj West Ham dhe qëndrimi i Mikel Artetës ndaj tij nuk ka për të ndryshuar.
Lajmet për një përplasje të mundshme mes lojtarit dhe trajnerit në fakt u përhap një ndeshje më parë, kur Arteta konfirmoi se Aubameyang nuk ishte pjesë për ndeshjen ndaj Southampton për shkak të një shkeljeje disiplinore.
32-vjeçarit nuk ishte pjesë e skuadrës as për ndeshjen ndaj Ëest Ham dhe shumë kanë pyetur se kur mund ta veshë sërish fanellën e “topçinjve”, megjithëse diçka e tillë mund të mos ndodhë më kurrë.
Aubameyang aktualisht është përjashtuar nga stërvitjet e ekipit të parë, sipas Daily Mail, dhe kjo e tregon qartë se ditët e tij në Londër janë të numëruara. Në atë që konsiderohet si një nga ndëshkimet më të rrepta në futbollin e lartë profesionist, Aubameyang është detyruar të stërvitet i vetëm, larg shokëve të skuadrës.
Arteta ka konfirmuar tashmë se sulmuesi nuk do të jetë në skuadrën që do të përballet me Leeds të shtunën në mbrëmje dhe pezullimi nga të gjitha veprimet e ekipit të parë ka të ngjarë të jetë ende në fuqi kur ai të largohet për Kupën e Afrikës muajin e ardhshëm.
Discussion about this post